ਗੂਗਲ ਨੇ ਆਪਣੀ ਔਨਲਾਈਨ ਪੇਮੈਂਟ ਐਪ GPay ਨੂੰ ਬੰਦ ਕਰ ਦਿੱਤਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਐਪ ਨੂੰ ਹੁਣ ਪਲੇ ਸਟੋਰ ਤੋਂ ਵੀ ਹਟਾ ਦਿੱਤਾ ਗਿਆ ਹੈ। ਗੂਗਲ ਨੇ ਅਮਰੀਕਾ ਵਿੱਚ ਆਪਣੀ GPay ਸੇਵਾ ਬੰਦ ਕਰ ਦਿੱਤੀ ਹੈ। ਕੰਪਨੀ ਨੇ ਇਹ ਫੈਸਲਾ ਅਮਰੀਕਾ ਵਿੱਚ P2P ਭੁਗਤਾਨ ਬੰਦ ਕੀਤੇ ਜਾਣ ਤੋਂ ਬਾਅਦ ਲਿਆ ਹੈ।ਗੂਗਲ ਹੁਣ Google Wallet ਵਿੱਚ ਮੋਬਾਈਲ ਭੁਗਤਾਨ ਸੇਵਾਵਾਂ ਦੀ ਪੇਸ਼ਕਸ਼ ਕਰਨ ਲਈ ਆਪਣੀ ਰਣਨੀਤੀ ਬਦਲੇਗਾ। ਹੁਣ ਯੂਜ਼ਰਸ Google Wallet ਵਾਲੇਟ ਤੋਂ ਹੀ ਸਟੋਰਸ 'ਤੇ Tap To Pay or Pay Online ਵਰਗੀ ਸਰਵਿਸ ਦਾ ਫਾਇਦਾ ਚੁੱਕ ਸਕਣਗੇ।
ਕੰਪਨੀ ਦੇ ਅਨੁਸਾਰ, GPay ਨਾਲ ਜੁੜੇ ਭੁਗਤਾਨ ਵਿਕਲਪ ਆਪਣੇ ਆਪ ਗੂਗਲ ਵਾਲਿਟ ਵਿੱਚ ਟ੍ਰਾਂਸਫਰ ਹੋ ਜਾਣਗੇ। ਹਾਲਾਂਕਿ, ਬਿੱਲ ਸਪਲਿਟ ਅਤੇ ਦੋਸਤਾਂ ਨੂੰ ਪੈਸੇ ਭੇਜਣ ਲਈ ਪ੍ਰਸਿੱਧ P2P ਭੁਗਤਾਨ ਹੁਣ ਅਮਰੀਕਾ ਵਿੱਚ ਉਪਲਬਧ ਨਹੀਂ ਹੋਵੇਗਾ। ਇਸ ਮਹੀਨੇ ਤੋਂ ਬਾਅਦ ਯੂਜ਼ਰਸ ਗੂਗਲ ਪੇ ਦੀ ਵੈੱਬਸਾਈਟ 'ਤੇ ਜਾ ਕੇ ਆਪਣਾ ਬੈਲੇਂਸ ਚੈੱਕਿੰਗ ਅਤੇ ਬੈਂਕ ਖਾਤਿਆਂ 'ਚ ਟ੍ਰਾਂਸਫਰ ਕਰ ਸਕਣਗੇ। ਗੂਗਲ ਦਾ ਪੂਰਾ ਫੋਕਸ ਹੁਣ ਗੂਗਲ ਵਾਲੇਟ 'ਤੇ ਹੈ।
ਮਾਹਰਾਂ ਦਾ ਮੰਨਣਾ ਹੈ ਕਿ ਕੰਪਨੀ ਨੇ ਅਜਿਹਾ ਉਪਭੋਗਤਾ ਅਨੁਭਵ ਨੂੰ ਆਸਾਨ ਅਤੇ ਬਿਹਤਰ ਬਣਾਉਣ ਲਈ ਕੀਤਾ ਹੈ। ਇਸ ਤੋਂ ਇਲਾਵਾ ਗੂਗਲ GPay ਨੂੰ ਬੰਦ ਕਰਕੇ ਆਪਣੀ ਸੇਵਾ ਦੀ Development Cost ਨੂੰ ਘਟਾਉਣ ਦੀ ਵੀ ਕੋਸ਼ਿਸ਼ ਕਰ ਰਿਹਾ ਹੈ। ਤੁਹਾਨੂੰ ਦੱਸ ਦਈਏ ਕਿ GPay ਐਪ ਨੂੰ ਅਮਰੀਕਾ ਵਿੱਚ ਬੰਦ ਕਰ ਦਿੱਤਾ ਗਿਆ ਹੈ, ਪਰ ਭਾਰਤ ਅਤੇ ਸਿੰਗਾਪੁਰ ਵਿੱਚ ਇਹ ਪਹਿਲਾਂ ਵਾਂਗ ਕੰਮ ਕਰਦਾ ਰਹੇਗਾ।
