ਦੇਸ਼ ਵਿੱਚ ਆਨਲਾਈਨ ਧੋਖਾਧੜੀ ਤੇਜ਼ੀ ਨਾਲ ਵੱਧ ਰਹੀ ਹੈ। ਇਸ ਤੋਂ ਬਚਣ ਲਈ ਸਰਕਾਰ ਨਵੀਂ ਮੋਬਾਈਲ ਨੰਬਰ ਸੀਰੀਜ਼ ਲੈ ਕੇ ਆ ਰਹੀ ਹੈ। ਇਹ ਮੋਬਾਈਲ ਨੰਬਰ ਸੀਰੀਜ਼ 160 ਤੋਂ ਸ਼ੁਰੂ ਹੋਵੇਗੀ। ਮਤਲਬ ਯੂਜ਼ਰਸ ਇਸ ਗੱਲ ਦੀ ਪਛਾਣ ਕਰ ਸਕਣਗੇ ਕਿ ਜੇਕਰ 160 ਤੋਂ ਸ਼ੁਰੂ ਹੋਣ ਵਾਲੇ ਮੋਬਾਈਲ ਨੰਬਰ ਤੋਂ ਕਾਲ ਆਉਂਦੀ ਹੈ ਤਾਂ ਇਹ ਬੈਂਕਿੰਗ ਜਾਂ ਵਿੱਤੀ ਲੈਣ-ਦੇਣ ਨਾਲ ਸਬੰਧਤ ਹੋਵੇਗੀ। ਇਸ ਤੋਂ ਇਲਾਵਾ ਕਿਸੇ ਵੀ ਨੰਬਰ ਤੋਂ ਆਉਣ ਵਾਲੀਆਂ ਫਰਾਡ ਕਾਲਾਂ ਦੀ ਪਛਾਣ ਕੀਤੀ ਜਾ ਸਕਦੀ ਹੈ।
ਮੀਡਿਆ ਰਿਪੋਰਟਾਂ ਮੁਤਾਬਕ ਸਭ ਤੋਂ ਪਹਿਲਾਂ 160 ਮੋਬਾਈਲ ਨੰਬਰਾਂ ਦੀ ਲੜੀ ਨੂੰ ਭਾਰਤੀ ਰਿਜ਼ਰਵ ਬੈਂਕ, ਸਕਿਓਰਿਟੀਜ਼ ਐਂਡ ਐਕਸਚੇਂਜ ਬੋਰਡ ਆਫ ਇੰਡੀਆ ਦੇ ਨਾਲ-ਨਾਲ ਬੀਮਾ ਅਤੇ ਪੈਨਸ਼ਨ ਨਾਲ ਸਬੰਧਤ ਸੰਸਥਾਵਾਂ ਲਈ ਰੋਲਆਊਟ ਕੀਤਾ ਜਾਵੇਗਾ। ਇਸ ਤੋਂ ਬਾਅਦ, 160 ਨੰਬਰ ਦੀ ਲੜੀ ਨੂੰ ਦੂਜੇ ਬੈਂਕਿੰਗ ਲੈਣ-ਦੇਣ ਲਈ ਪੜਾਅਵਾਰ ਢੰਗ ਨਾਲ ਸ਼ੁਰੂ ਕੀਤਾ ਜਾਵੇਗਾ। 140 ਤੋਂ ਸ਼ੁਰੂ ਹੋਣ ਵਾਲੀ ਮੋਬਾਈਲ ਨੰਬਰ ਸੀਰੀਜ਼ ਜਾਰੀ ਕਰਨ ਦੀਆਂ ਖਬਰਾਂ ਸਨ। ਮੰਨਿਆ ਜਾ ਰਿਹਾ ਸੀ ਕਿ ਇਸ ਮੋਬਾਈਲ ਨੰਬਰ ਸੀਰੀਜ਼ ਨੂੰ ਪ੍ਰਮੋਸ਼ਨਲ ਕਾਲਾਂ ਅਤੇ ਵਾਇਸ ਮੈਸੇਜ ਲਈ ਰੋਲਆਊਟ ਕੀਤਾ ਜਾ ਸਕਦਾ ਹੈ। ਮੋਬਾਈਲ ਨੰਬਰ ਸੀਰੀਜ਼ ਦੇ ਰੋਲਆਊਟ ਤੋਂ ਬਾਅਦ, ਆਮ ਉਪਭੋਗਤਾ ਨੌਰਮਲ ਕਾਲਾਂ ਅਤੇ ਪ੍ਰਮੋਸ਼ਨਲ-ਬੈਂਕਿੰਗ ਕਾਲਾਂ ਵਿੱਚ ਅੰਤਰ ਨੂੰ ਸਮਝ ਸਕਣਗੇ। ਇਸ ਨਾਲ ਬੈਂਕਿੰਗ ਧੋਖਾਧੜੀ ਵਰਗੀਆਂ ਘਟਨਾਵਾਂ ਨੂੰ ਰੋਕਣ 'ਚ ਮਦਦ ਮਿਲੇਗੀ।